27.09.2009-28.09.2009
阿玲結婚
27號一早我一家人同大舅父一家返我阿爺o個邊鄉下,
跟住食o左個Lunch大舅父一家就就o左.....
之後因為太多人,二伯爺一家都好忙,
所以我一家人就去o左大伯爺屋企坐坐,
順便睇下阿威~
哈,佢真係精神過精神,
我因為濕疹戒緊口唔食得o既野佢全部都食得,
上次仲訓o係張床到o個陣已經叫住"我要食龍眼"o嫁啦!
真係冇佢收~
之後又去下舊屋,又返返二伯爺屋企...
咁就到夜晚啦~
我o地女家擺酒係連續擺午飯晚飯兩餐,
所以夜晚都係食返午飯o個D菜=.=
食完之後,表哥同阿斌仲有個唔識o既人
帶我o地班姐妹團去洗頭...
新娘同伴娘去化妝!
本來之後打算去唱K,
不過等了又等新娘個妝都未化完返o黎~
而且又book唔到房......
所以去o左個大廳到吹下水同吹下喇叭,
咁就大件事啦=.=
上之阿兒嫁o個陣阿斌醉到大叫頭痛,
又係咁嘔,o係到典床典蓆,
今次阿玲嫁到阿昌發酒瘋!
其實之前阿婷已經話過佢醉o嫁啦,
o個陣佢都係咁指住阿婷大叫:
"你唔係我個妹,你係我表妹咋"
然後指住我同家姐話:
"我個妹o係到,睇下佢o地幾乖!"
然後哈哈哈,o係咁笑~
係咁猛叫我阿妹阿妹....
我o地鄉下堂兄弟姐妹係以親兄弟姐妹相x
所以冇咩咁奇怪,只係佢平時叫我o地名多D~
無啦啦叫阿妹有D怪......
之後又一上樓梯,二樓仆低=.=
但係佢講野仲好有條理,對答完全冇問題!
但係又叫我o地上車,又叫我o地落車,
又叫我o地第二部車,又叫我o地上返之前部車......
之後上車去bar就o黎啦~~~
無啦啦叫我,又話咩去唱K,但係又冇得唱~
又同人講,兩個婷婷同雯雯o係我到!
今之唔叫阿妹啦咩?!
語無倫次咁!
死啦,我o地仲坐緊佢渣o既車tim o嫁~
不過佢手車好穩,就咁又渣o左去bar到,
去同阿斌叫阿婷睇住佢,
點知阿婷同佢飲埋一份=.=
另一邊,我同阿斌教家姐玩大話骰,
點知我同阿斌o既遊戲規則完全唔同...
之後教識o左家姐玩之後,我做o左大輸家=.=
走o個陣大件事啦~
阿昌企都企唔穩,差D"責"死我=.=
大家叫佢唔好渣車,
佢又死都唔肯交條車匙出o黎,係都要渣,
我o地成班人都搞佢唔掂,
阿斌叫我o地走先,留底佢同阿婷睇佢阿昌,
不過佢o地最後都搞佢唔掂,
坐佢手車返o黎....
呵,同樣..手車好穩,但個人唔穩=.=
落車之後又話要搵阿妹,
阿妹出嫁,佢要去睇住~
大家見佢醉,就唔佢去,要佢交條車匙出o黎,
點知佢話:我未鎖車,我要鎖車,俾我鎖車......
之後佢鎖完又鎖,不停咁鎖,
一面鎖,一面叫:我未鎖車,俾我鎖車......
吹脹~
之我我阿爸同佢講:
"唔好去啦,我o地返上樓再飲過!"
呵,佢又醉唔晒,答返我阿爸:
"你講大話,返上去你就唔會俾我飲o嫁啦!"
哈哈,醉得真可愛^^"
出動o左幾個大人,終於送o左佢上樓,
之後我o地班姊妹團就出發去送阿玲出嫁啦~
話說我鄉下係零辰12:00出嫁o既~
不過哩個葉生就遲到囉~
仲係遲大到o個隻!
2:00幾先o黎="=
廿幾個兄弟斯斯然咁o黎!
食屎啦,邊有人娶老婆都係遲到o嫁!!
仲要遲咁多!!!!!!!!
係我就唔嫁俾佢啦~~~
有唔係靚仔,有唔係有錢,
又矮又瘦,成個白粉佬咁!
係呀,有個姊妹收o左封開門利是唔出聲,
搞o左勁耐,要新郎再封多封利是囉!
之後仲攞埋封利是走o左佬囉~
超賤格!
斷斷續續,3:00幾成4:00先去到
唔洗3個字車程就到o既新屋=.=
同班兄弟團食過宵夜5:00幾先有覺訓
訓o左兩個幾鐘,7:30又起身,
同家姐去o左同阿爸阿媽,仲有二伯爺食早餐~
之後佢o地又同我o地講返阿昌o既"醉酒語錄"
伯爺話阿昌成晚黏實佢,訓訓下又叫醒佢,之後話:
"阿爸,我o地攞幾千蚊出o黎請隊獅囉~"
之後伯爺話"你都痴線!"
然後又再訓過~~~
不過第二朝起身,阿昌又話:
阿爸,我o地攞幾千蚊出o黎請隊獅囉~
人o地慶祝國慶都係咁,
我o地可以順便慶祝埋國慶!
哈,阿昌,你醉醒未呀?
仲有,仲有,我阿媽話訓訓下無啦啦有人拍門
之後問佢開o左冷氣未?
足足三次!搞到佢冇覺好訓!
跟住伯爺又話,阿昌猛問佢:
邊個開o左部冷氣?浪費電力!
哈哈哈,傻仔!
笑到我肚痛>.<
笑完,食飽,又返返去阿玲到,
然後去飲男家o個餐~
點知男家話冇車,叫我o地班姊妹自己行過去=.=
真係食屎大o嫁,o個家人~
我o地冇個識路,佢叫我o地直行就係,
我o地就直行直行,你o地就坐車坐車!
成班男o既正一廢柴!
食完之後o係男家o個邊訓o左陣,
之後返返二伯爺屋企,
出返香港~
幾日後,o者係今日02.10.2009
發現自己隻腳多o左個鞋印,
原來係o個日返大陸太晒
晒到變o左隻黑喵=.=